പാളിപ്പോയ യൂറോപ്യന് ട്രിപ്പ് അഥവാ പോകാനേ പാടില്ലായിരുന്ന ഒരു യാത്രയുടെ വിവരണം | പാര്ട് II
October 30: പുലര്ച്ചെ ബുഡാപെസ്റ്റ് എയര്പോര്ടില് ഇറങ്ങി. ചെറിയ ക്യൂ ഉണ്ടായിരുന്നു. Bolt taxi (same like Uber) വിളിച്ച് ഞങ്ങള് റൂം ലൊക്കേഷന് എത്തി. കെട്ടിടത്തിനകത്ത് കയറാനൊക്കുന്നില്ല. കതക് തുറക്കണമെങ്കില് പുറത്ത് ചുമരിലുള്ള കീ പാഡില് പാസ് വേര്ഡ് അടിക്കണം. ഫാസിലിന്റെ ഫോണ് കറക്ട് സമയത്ത് ഓഫായി ഇരിപ്പുണ്ട്. എന്റെ ഫോണിലാണെങ്കില് യൂറോ സിം ഇല്ല, ഡാറ്റയും ഇല്ല. കൊടും തണുപ്പത്ത് ചുറ്റുവട്ടത്ത് പരതി നടന്നു. ഒടുവില് ഒരു ഫ്രീ wifi കണ്ട് പിടിച്ചു. എന്റെ ഫോണില് അവന്റെ ഇമെയില് തുറന്ന് തപ്പി. Instructions കറക്ടായി അതില് കൊടുത്തിട്ടുണ്ടായിരുന്നു. അവന് ശ്രദ്ധിക്കാതെ വിട്ടതാണ്. password അടിച്ച് അകത്ത് കയറി, സുഖമായി ഉറങ്ങി.. രാവിലെ നേരത്തെ കാലത്തെ എണീറ്റ് പുറത്തിറങ്ങി. സന്ധ്യയാകും വരെ ഒരേ നടത്തം. കാണാനുള്ള പ്രധാന ഇടങ്ങളെല്ലാം കുറിച്ചു വെച്ചിരുന്നു. ഡാനുബ് നദിയും ചാള്സ് പാലവും, ബുഡാ കാസില്, പാര്ളിമെന്റ് കെട്ടിടം, ഡാനുബ് നദിക്കരയിലെ ഷൂ മെമോറിയല് തുടങ്ങി കുറെയേറെ കണ്ട് കറങ്ങി നടന്നു. രണ്ടാം ലോകമഹായുദ്ധകാലത്ത് ഫാസിസ്റ്റുകള് ആ നദിക്കരയില് വെച്ച് വെടിവെച്ച് കൊന്ന ജൂതരുടെ ഓര്മ്മക്കായ...
